Senador Marcoleta, gibalhin sa Quezon City Jail human gideklarang fit na sa korte

Gibalhin na sa kustodiya sa Quezon City Jail Male Dormitory sa Payatas si Senador Rodante Marcoleta human aprobahan sa Sandiganbayan Third Division ang iyang pagbalhin.

Nahimo kini human ipahibalo sa Philippine General Hospital nga wala kini nakit-an nga kondisyon ni Marcoleta nga nagkinahanglan pa og pagpaospital.

Gidala una sa ospital ang senador niadtong miaging semana human makasinati og hypertension ug mild pneumonia, apan sa ulahi gideklara siyang “fit” na aron makaatubang sa korte.

Si Marcoleta nadakpan human siya mitugyan sa kaso nga plunder may kalabotan sa alegasyon nga wala niya maideklara ang P75 milyong campaign donations.

Gikatakda sa Sandiganbayan ang pretrial sa iyang kaso sa Agosto 10.