Ipadayon karong Martes, Hulyo 14, ang cross-examination sa kampo ni Vice President Sara Duterte batok sa ikaduhang testigo sa House prosecution panel sa impeachment trial.
Gisuspenso ang pagdungog niadtong Lunes sa gabii human sa hapit unom ka oras nga proceedings samtang gipangutana pa ni defense counsel Atty. Mark Vinluan si National Bureau of Investigation Regional Director Jeremy Lotoc.
Sumala ni Senator-Judge Juan Miguel Zubiri, gihatagan og higayon ang depensa nga ipadayon ang ilang masusing pagpangutana, apan ilang gidesisyonan nga ipadayon na lang ang hearing karong adlawa.
Matud ni Presiding Officer ug Senator-Judge Francis “Chiz” Escudero, dili gilimitahan sa impeachment court ang oras sa cross-examination, apan gusto lamang nila mahibal-an kung mahimo pa ba kining ipadayon sa sunod nga adlaw.
Gipahibalo usab nga posible nga ipresentar sa House prosecution panel si Office of the Vice President Chief of Staff Zuleika Lopez isip ikatulong testigo batok kang VP Sara Duterte.
