Israel, padayon nga giatake ang Lebanon bisan pa anaa nay kasabutan sa ceasefire

Padayon gihapon ang mga pag-atake sa Israel sa Lebanon bisan pa og adunay gipatuman nga ceasefire.

Ang pinakabag-o nga giatake sa Israel Defense Forces (IDF) mao ang lungsod sa Al-Mansouri.

Bisan pa sa ceasefire agreement tali sa Israel ug Hezbollah, wala gihapon mohunong ang mga pag-atake sa Israel.

Gilauman unta nga hingpit nang mohawa ang pwersa sa Israel sa duha ka lugar sa habagatang bahin sa Lebanon.

Base sa datos sa Lebanon Public Health Ministry, sukad niadtong Marso 2, diin gisugdan sa Israel ang mga pag-atake sa Lebanon, miabot na sa 4,321 ka tawo ang namatay, samtang 12,207 ang naangol.