Gipaambit sa Israel ngadto sa Estados Unidos ang impormasyon sa paniktik bahin sa usa ka bag-o ug “specific” nga plano sa Iran nga patyon si US President Donald Trump.
Ang maong taho migawas human sa sunod-sunod nga retaliatory strikes tali sa Estados Unidos ug Iran nga nakapukaw sa kabalaka nga mahimong mosangpot sa mas dakong gubat.
Samtang migawas si Trump gikan sa usa ka summit sa NATO sa Turkey, gihangyo siya sa Secret Service nga dili gamiton ang iyang bag-ong eroplano nga gihatag sa Qatar.
Imbis, gipadala ang maong eroplano ngadto sa Britain, ug misakay si Trump sa daang Air Force One padulong balik sa Washington isip lakang alang sa seguridad.
Gisulti ni Trump ngadto sa mga tigbalita sulod sa eroplano nga nahibalo siya sa hulga batok kaniya. Matud niya, gusto siya nilang mawala ug anaa siya sa matag listahan, apan wala niya klaroha kung unsang mga listahan ang iyang gipasabot.
Sumala sa US Secret Service, gipili ang daang eroplano nga gisakyan ni Trump imbis ang bag-ong Qatari jet isip dugang nga lakang alang sa iyang seguridad.
