Gimando ni Senate Impeachment Court Presiding Officer Francis “Chiz” Escudero ang prosecution ug defense panels nga mosumite una og ilang memoranda kabahin sa hangyo nga ipa-subpoena ang tax records ni Vice President Sara Duterte, sa iyang bana nga si Manases Carpio, ug sa ilang mga negosyo, sa dili pa pagahukman sa korte ang pag-abli sa kontrobersyal nga “green box.”
Matod ni Escudero, pagahimoon ang oral arguments sa Miyerkules, Hulyo 15, diin hatagan ang matag kampo og 10 minutos aron ipresentar ang ilang legal nga baruganan, uban sa tulo ka minutos alang sa rebuttal, sa dili pa magdesisyon ang impeachment court kung magpagawas ba kini og subpoena.
Una nang gimando sa impeachment court nga ibalik sa Bureau of Internal Revenue ang “green box” nga naglangkob sa tax records tungod kay wala pa kini makab-ot pinaagi sa subpoena nga giisyu sa korte ug wala pa usab kini opisyal nga nadawat isip ebidensya sa impeachment trial.
