Mahimo gihapon nga moapil si Senador Rodante Marcoleta sa impeachment trial ni Bise Presidente Sara Duterte karong Lunes, Hulyo 6, sumala ni Senate President Sherwin Gatchalian.
Gipasabot ni Gatchalian nga si Marcoleta nagpabilin nga senador sa pagkakaron tungod kay ang Sandiganbayan wala pa makahimo og pinal nga desisyon kung mo-isyu ba og warrant of arrest batok kang Marcoleta tungod sa kasong plunder nga gisang-at sa Ombudsman.
Sa dihang gipangutana bahin sa posibleng pag-isyu og warrant of arrest batok kang Marcoleta, ang Presidente sa Senado miingon nga dili nila ma-preempt o ma-pretend ang desisyon sa Sandiganbayan isip korte.
Gipahayag usab ni Gatchalian nga si Marcoleta adunay higayon pa nga mopresentar sa iyang depensa ug mopasabot sa iyang kaugalingon sa korte sa dili pa mohimo og desisyon isip kabahin sa proseso sa hudisyal.
Mahinumduman nga niadtong Biyernes, Hulyo 3, pormal nga gisang-at sa Ombudsman ang mga kasong plunder batok kang Marcoleta ug tulo pa ka tawo kalabot sa P75 milyon nga giingong wala gideklarar nga mga donasyon sa kampanya alang sa iyang kampanya sa pagka-senador sa 2025.
