Andam na ang Philippine National Police–Criminal Investigation and Detection Group sa pagpatuman sa warrant of arrest batok kang Senador Rodante Marcoleta kung mag-isyu na ang Sandiganbayan.
Sumala sa PNP, aduna na silay mga protocol nga giandam para sa posibleng pag-aresto sa senador.
Giingon ni PNP Public Information Office Chief Col. Allen Rae Co nga kung anaa si Marcoleta sulod sa Senado sa oras nga ipagawas ang warrant, makig-coordinate una ang mga otoridad sa liderato sa Senado sa dili pa kini ipatuman.
Una nang nagsang-at og kaso nga plunder ang Office of the Ombudsman batok kang Marcoleta sa Sandiganbayan.
May kalabotan kini sa giingong wala pagdeklarar sa ₱75 milyon nga campaign contributions sa iyang Statement of Campaign Expenditures sa 2025 senatorial elections.
Kung maaresto, dad-on si Marcoleta sa Camp Crame alang sa booking procedures sama sa fingerprinting, medical examination, ug pagkuha og mug shots. Human niini, ipresentar siya sa Sandiganbayan alang sa “Return of the Warrant.”
