Nakatakdang magsugod sa Hulyo 6 ang impeachment trial ni Bise Presidente Sara Duterte, diin una nga hisgutan ang mga mosyon ug mga opening statement sa unang adlaw, sumala ni House prosecutor Rep. Joel Chua.
Miingon si Chua nga sa ikaduhang adlaw pa gilauman masugdan ang presentasyon sa mga ebidensya ug mga testigo, human masulbad ang mga isyung may kalabotan sa mga pamaagi sa kaso.
Lakip sa mga pending nga mosyon mao ang paghatag og permiso sa sabay nga partisipasyon sa public ug private prosecutors, ingon man ang pag-abli sa selyado nga box sa Bureau of Internal Revenue nga naglangkob sa mga tax records ni Duterte ug sa iyang asawa.
Miuyon ang depensa nga mahimong ablihan kini basta buhaton sa executive session.
Matod pa ni Chua, nalangan ang pre-trial conference tungod sa hangyo sa depensa nga tagsa-tagsa nga markahan ang kapin sa 4,000 ka dokumento nga gamiton isip ebidensya. Gilauman nga molungtad og tulo ka bulan ang impeachment trial nga magsugod sa Hulyo 6.
