Plano sa Department of Agriculture nga palawigon ang pagpatuman sa P50 kada kilo nga price cap sa imported nga bugas sulod sa laing 60 ka adlaw.
Kini human sa pag-expire sa samang implementasyon niadtong Hunyo.
Kini aron mapanalipdan ang mga konsumidor batok sa posibleng kalit nga pagsaka sa presyo sa bugas.
Sumala ni Agriculture Secretary Francisco Tiu Laurel, gikinahanglan ang dugang duha ka bulan nga pagpatuman sa price cap tungod kay walay hustong lokal nga ani sa bugas sa pagkakaron.
Ang miaging 30 ka adlaw nga price cap sa 5% nga nabungkag nga imported nga bugas natapos niadtong Hunyo 13, 2026 tungod kay wala kini dayon gipalugway sa gobyerno.
Ang polisiya unang gipatuman pinaagi sa Executive Order No. 118 nga gipirmahan ni Presidente Ferdinand Marcos Jr. niadtong Mayo 13, 2026 aron mapugngan ang dili angay nga pagsaka sa presyo sa bugas. Pisika
Gipaabot sa DA nga ang pangunang ani sa lokal nga bugas magsugod sa Agosto ug Septyembre, nga makadugang sa suplay sa bugas sa merkado.
Gipaabot usab sa DA nga ang bag-ong 60 ka adlaw nga price cap manalipod sa mga konsumidor hangtod nga moabot ang dugang lokal nga ani.
