Mainitong gidawat ni Pope Leo XIV ang bag-ong Ambassador sa Pilipinas sa Holy See, nga si Raphael Perpetuo Mercado Lotilla, sa Vatican City niadtong Hulyo 1, 2026.
Nagpahigayon og pormal nga panagtagbo ang duha human gitunol ni Lotilla ang iyang credentials o opisyal nga dokumento nga nagpamatuod sa iyang pagtudlo isip representante sa Pilipinas sa Holy See.
Si Lotilla kaniadto nagsilbi isip kalihim sa Department of Environment and Natural Resources ug nahimong kalihim usab sa Department of Energy ubos sa duha ka magkalainlaing administrasyon.
Nakahuman siya sa mga kurso nga Psychology, History ug Law sa University of the Philippines Diliman, ug nakakuha usab og Master of Laws sa University of Michigan sa Estados Unidos.
Gawas sa iyang pagka-abogado ug propesor, nagserbisyo usab si Lotilla sa nagkadaiyang posisyon sa gobyerno ug akademya, lakip na sa National Economic and Development Authority ug Power Sector Assets and Liabilities Management Corporation.
