Gisusi karon sa Department of Education ang posibilidad sa pagpatuman og mandatory bag inspection sa mga eskwelahan isip kabahin sa pagpalig-on sa seguridad sa mga estudyante ug mga kawani.
Sumala sa DepEd, ang implementasyon sa maong polisiya magdepende sa kahimtang, kapasidad ug panginahanglan sa matag eskwelahan, aron masiguro nga ang pagpatuman niini angayan ug epektibo.
Ang maong lakang gisugyot human sa sunod-sunod nga mga insidente sa sulod sa mga kampus ug mga hulga sa seguridad nga nalambigit mismo sa pipila ka mga estudyante.
Gipasabot sa DepEd nga ilang gipaningkamotan nga mapalig-on ang mga safety measures sa mga eskwelahan aron mapanalipdan ang mga magtutungha, magtutudlo ug ubang kawani, samtang padayon usab nga gitimbang ang pagrespeto sa katungod ug kaayohan sa tanang apektadong sektor.
