Gipahayag sa Iglesia ni Cristo (INC) ang ilang suporta kang Rep. Rodante Marcoleta ug ang ilang gipangbarugan, samtang ilang gipasigarbo nga dili sila mohunong sa pagpangayo og hustisya alang sa katawhang Pilipino.
Matod sa pahayag sa grupo, bisan pa og dakpon o ipakulong si Marcoleta, magpadayon gihapon sila sa ilang panawagan alang sa hustisya. Gipasabot sa INC nga ilang gisuportahan ang ilang gituohang pagpanalipod sa kamatuoran ug hustisya, samtang nagpadayon ang mga isyu nga nalambigit kang Marcoleta.
Samtang kaganihang buntag nagkagubot ang pipila ka mga nagprotesta didto sa EDSA People Power Monument.
Base sa mga impormasyon, misulod ang kapulisan aron awaton ug pakalmahon ang sitwasyon taliwala sa mga nagtinigiay nga grupo ug aron mapugngan ang posibleng pagdako pa sa kagubot.
Gipaningkamotan sa mga awtoridad nga mabalik ang kahapsay sa lugar samtang nagpadayon ang mga kalihokan sa mga nagprotesta.
