Casualties sa Sarangani nisaka na sa 41 samtang samaron anaa na sa 262

Misaka na sa 41 ang gidaghanon sa mga casualties tungod sa kusog nga linog nga miigo sa Sarangani. Base sa pinakabag-ong datos sa mga awtoridad, 41 na ang namatay samtang miabot na sa 262 ang gidaghanon sa mga nasamaran sa maong kalamidad.

Padayon ang search, rescue ug relief operations sa mga apektadong lugar, samtang nagtinabangay ang mga lokal nga panggamhanan ug nagkalain-laing ahensya sa paghatag og tabang sa mga biktima.

Nagpadayon usab ang pag-assess sa kadaot sa mga kabalayan, imprastraktura ug uban pang pasilidad, samtang gipahimangnoan ang publiko nga magpabiling alerto batok sa posible pang aftershocks.