GENSAN- Gipahayag ni Senador Imee Marcos nga kinahanglan tan-awon pag-ayo ang posibilidad sa pagpaubos sa edad sa criminal responsibility ubos sa Juvenile Justice Law, ilabi na tungod sa mga kaso diin ang mga menor de edad gigamit isip mga runner o tigdala sa ilegal nga droga ug uban pang krimen.
Matod sa senadora, kinahanglan masusi ang kasamtangang sistema kay usahay ang mga bata mahimong gamiton sa mga kriminal tungod kay dili sila parehas nga manubag ubos sa balaod.
Giingon ni Marcos nga dili usab sayon ang pagdakop sa mga menor de edad nga nalambigit sa krimen tungod kay adunay mga limitasyon sa balaod kung unsa ang angay buhaton kanila.
Gihisgutan usab niya ang epekto sa digital media nga mahimong makaimpluwensya sa mga bata, busa importante, matod niya, nga tan-awon pag-ayo ang proteksyon ug regulasyon alang sa mga kabatan-onan.
