Gibasura sa Sandiganbayan ang hangyo ni Senador Jinggoy Estrada nga isahon ang mga kasong plunder ug graft nga gisang-at batok kaniya kalabot sa giingong maanomalyang mga proyekto sa flood control.
Matod sa korte, managlahi ang mga transaksyon nga nalakip sa matag kaso busa dili angay nga isahon o i-consolidate kini. Gipasiugda usab sa Sandiganbayan nga posibleng malangan ang pagdungog ug pag-uswag sa mga kasong graft kon iapil kini sa kasong plunder, nga usa ka non-bailable nga kaso gawas lamang kon maaprobahan ang petisyon alang sa piyansa.
Tungod niini, lahi-lahi nga pagadunggon sa korte ang mga kaso nga giatubang ni Estrada.
Samtang, nag-atubang gihapon ang senador sa ubang mga kasong graft nga may kalabutan sa giingong maanomalyang paggamit sa Priority Development Assistance Fund (PDAF), nga nagpabiling nakatanggong sukad pa niadtong 2014.
