Gilakip ang kontrobersyal nga ngalan nga “Mary Grace Piattos” sa listahan sa mga testigo sa prosecution team sa Sara Duterte alang sa impeachment trial.
Base sa pre-trial brief, ipresenta si “Mary Grace Piattos” isip testigo aron motestigo kabahin sa giingong pagdawat sa confidential funds.
Nailhan ang maong ngalan atol sa imbestigasyon sa Kamara niadtong 2024 nga naghisgot sa paggamit sa pondo sa Office of the Vice President ug sa Department of Education.
Sa maong pagpangusisa, nakita sa mga acknowledgment receipts sa confidential fund disbursements nga ang ngalan ni “Mary Grace Piattos” usa sa mga nakadawat kuno sa pondo gikan sa mga opisina sa Bise Presidente.
Apan, sumala sa Philippine Statistics Authority, walay rekord sa pagkatao, pagkamatay, o bisan unsang identification record alang sa usa ka tao nga ginganlag “Mary Grace Piattos.”
Tungod niini, nahimong sentro sa kontrobersiya ang maong ngalan ug usa sa mga isyung gilauman nga matuki pag-ayo sa impeachment proceedings batok kang Vice President Sara Duterte.
