Gideklara ni Venezuela Interim President, Delcy Rodriguez ang state of emergency human gitay-og ang nasud sa duha ka kusog nga linog nga adunay magnitude 7.2 ug 7.5, nga gisundan pa sa kapin 20 ka aftershocks.
Tungod sa kusog sa pag-uyog, daghang mga building ang nangaguba ug nangahugno sa kapital nga Caracas ug sa ubang mga lugar. Gikumpirma usab sa mga awtoridad nga adunay mga namatay ug nasamdan, bisan wala pa nila gipagawas ang eksaktong ihap sa mga biktima.
Gisirado usab ang Simon Bolivar Airport sa Maiquetia human kini maapektuhan sa kadaot nga dala sa linog.
Sa Chacao municipality sa Caracas, duha ka mga estruktura ang natumpag diin labing menos 16 ka tawo ang nasamdan. Nagpadayon karon ang search and rescue operations alang sa mga posible pang natanggong ilawom sa mga nagun-ob nga building.
Padayon ang pagmonitor sa mga awtoridad sa kahimtang samtang nagkadaghan ang mga report sa kadaot ug mga biktima nga naapektuhan sa maong kalamidad.
