Giisip lamang sa Department of Education nga usa ka ‘isolated case’ ang nahitabong pagpamusil sulod sa eskwelahan sa siyudad sa Tacloban City.
Matod ni DepEd Undersecretary Malcolm Garma, usa lamang kini ka isolated case tungod sa kadaghan sa mga eskwelahan sa nasud. Giangkon usab sa opisyal sa DepEd nga daghan pang mga eskwelahan sa nasud ang nagkinahanglan og mas lig-on nga seguridad.
Plano sa DepEd nga makigkoordinar sa Philippine National Police (PNP), mga opisyal sa barangay, mga tanod ug mga grupo sa seguridad sa komunidad aron mapugngan ang susamang mga insidente.
Ang pagpalig-on sa seguridad sa mga eskwelahan magdepende gihapon sa gidak-on sa eskwelahan ug sa kadaghan sa mga estudyante niini. Una nang gimando ni President Ferdinand Marcos Jr. ang pagpahigayon og lawom ug hugot nga imbestigasyon kabahin sa nahitabong insidente.
