Nagsumite og opisyal nga reklamo ang Algerian Football Federation (FAF) ngadto sa FIFA may kalabotan sa giingong dili patas nga pagdumala sa referee sa ilang duwa batok sa Argentina sa 2026 FIFA World Cup.
Sumala sa taho, gisupak sa Algeria ang wala paghatag og penalty kang Lionel Messi human niini nga matumban sa bitiis sa ilang team captain nga si Aïssa Mandi.
Bisan pa sa maong insidente, nakahimo si Messi og hat-trick nga nakahatag og kadaogan sa Argentina batok sa Algeria, 3-0.
Lakip usab sa reklamo ang wala pagpahamtangan og silot nga pagsiko ni Alexis Mac Allister batok kang Ibrahim Maza sa ikaduhang half, nga sumala sa Algeria klaro unta kini nga angay susihon sa VAR.
Giingon sa FAF nga ang maong mga insidente nakaapekto sa ilang pagsalig sa kalidad sa officiating standards sa torneyo.
Samtang, nagpadayon ang pagpangandam sa Argentina alang sa ilang sunod nga duwa batok sa Austria, samtang ang Algeria mag-atubang sa Jordan sa Hunyo 23.
