Gobyerno sa Sarangani Province padayon sa panawagan sa donasyon ug pag ampo sa mga apektado sa linog

Nagpadayon ang panawagan sa gobyerno sa Sarangani Province alang sa mga donasyon ug pag-ampo aron matabangan ang mga pamilyang naapektuhan sa magnitude 7.8 nga linog.

Sumala sa mga opisyal, ang mga donasyon ipunting sa mga panginahanglan sa matag lungsod aron masiguro nga makaabot kini direkta sa mga biktima.

Gipasiugda usab nila nga bisan gamay nga tabang dako na og ikatampo sa pagbangon sa mga komunidad nga grabeng naigo sa kalamidad.

Alang sa dugang impormasyon bahin sa mga kinahanglanon ug paagi sa paghatag og donasyon, mahimong mokontak sa Sarangani PDRRMO o motan-aw sa opisyal nga social media pages sa probinsya.