-- ADVERTISEMENT --
Gipaklaro ni Councilor Cesar Bañas Jr. nga adunay mga konsehal nga murag wala matagaan og igo nga higayon aron masusi ug matuki pag-ayo ang hisgutan kabahin sa giplanong privatization sa pampublikong palengke.
Ang pahayag ni Bañas misunod sa nahitabong pagtinubagay nila ni Councilor Atendido atol sa milabay nga sesyon sa Sangguniang Panlungsod.
Matud ni Bañas, importante nga matagaan og kahigayonan ang tanang miyembro sa konseho nga mapahayag ang ilang mga pangutana ug kabalaka aron masiguro nga masabtan pag-ayo ang epekto sa maong plano ngadto sa mga negosyante ug katawhan.
Samtang, gilauman nga magpadayon pa ang mga diskusyon ug deliberasyon sa konseho kabahin sa maong isyu.
