Nanawagan si retired Judge Lorenzo Balo ning syudad ngadto sa publiko nga magpabiling mabinantayon ug sabton pag-ayo ang mga panghitabo sa politika sa nasud.
Matud ni Balo, importante nga ang katawhan adunay kaugalingong paghusga ug dili magpadala lamang sa mga impormasyon nga ilang madungog o mabasa nga walay igong pagsusi.
Gipasiugda usab niya nga dili angay nga mahimong pabor lamang ang mga tao sa usa ka pamilya o personalidad tungod lamang sa ilang pagdayeg o pagsuporta niini.
Sumala kaniya, mas maayong tan-awon ug timbangon sa publiko ang mga aksyon, desisyon ug rekord sa mga lider aron makahimo og husto ug responsable nga pagdesisyon isip mga lungsoranon.
Dugang ni Balo, ang aktibong pag-apil ug pagmatngon sa mga kalihokan sa gobyerno ug politika usa ka importante nga bahin sa demokrasya aron masiguro nga mapanalipdan ang interes sa katawhan ug sa nasud.
