Gipahayag ni House Majority Leader Sandro Marcos nga lehitimo ang mga saway batok sa Anti-Political Dynasty bill sa Kamara, apan matod niya nga ang kasamtangang bersyon resulta sa kompromiso aron makuha ang igong suporta gikan sa mga kongresista.
Sumala kang Marcos, base sa konsultasyon sa mga lider sa partido, posibleng mapakyas ang maong panukala kung himuon pa kini nga mas istrikto ang mga probisyon tungod sa kakulang sa boto.
Giangkon usab niya nga daghan sa mga miyembro sa Kamara ang adunay koneksyon sa political dynasty.
Giklaro ni Marcos nga dili pa pinal ang maong sugyot tungod kay moagi pa kini sa Senado ug sa bicameral conference committee diin posible pa nga mausab o madugangan ang mga probisyon nga gikonsiderar nga kulang o dili madawat.
