Giaprobahan sa House of Representatives ang usa ka resolusyon nga naghatag og pasidungog kang Pangulong Ferdinand Marcos Jr. ug sa nagkadaiyang ahensya sa gobyerno tungod sa ilang paspas nga pagtubag human sa magnitude 7.8 nga linog nga miigo sa Sarangani, Dakbayan sa General Santos ug uban pang bahin sa Mindanao niadtong Hunyo 8.
Sumala sa House of Representatives, ang maong resolusyon nag-ila sa koordinasyon ug dali nga paglihok sa national government ug mga concerned agencies sa paghatag og ayuda, rescue operations ug uban pang serbisyo alang sa mga komunidad nga naapektuhan sa kusog nga pagtay-og.
Gipasiugda usab sa resolusyon ang kamahinungdanon sa lig-on nga koordinasyon tali sa nasyonal ug lokal nga panggamhanan aron masiguro ang episyenteng paghatag og tabang sa mga biktima sa kalamidad.
Samtang nagpadayon ang rehabilitasyon ug assessment sa mga lugar nga naapektuhan sa linog, nagpadayon usab ang mga ahensya sa gobyerno sa paghatag og suporta ug serbisyo aron makatabang sa pagbangon sa mga komunidad nga naigo sa maong kalamidad.
