Makigsangka unyang alas 5 sa hapon ang Pilipina tennis star nga si Alex Eala sa Croatian veteran nga si Donna Vekic sa Round of 32 sa Berlin Open karong semanaha.
Si Eala usa ka wildcard entry sa WTA 500 tournament ug gilauman nga magpadayon sa iyang kampanya sa grass-court. Ang Pilipina tennis star bag-o lang midaog sa Birmingham Open, sa wala pa mapildi sa ikaduhang round sa rising American player na si Iva Jovic.
Si Eala ang nakalabaw sa ilang unang panagtagbo sa ASB Classic, diin iyang gipildi si Vekic sa usa ka hugot nga tulo ka set nga dula, 4–6, 6–4, 6–4.
Samtang, si Vekic usa ka eksperyensiyado nga magdudula sa WTA circuit nga adunay daghang kasinatian sa Grand Slams.
Nailhan siya nga 2024 Paris Olympics silver medalist ug kanhi Wimbledon semifinalist, ug aduna usab lawom nga mga run sa Australian Open ug US Open.
Ang dula gilauman nga hugot ug taas ang kalidad tungod kay ang duha ka magdudula adunay momentum ug kusog nga mga pasundayag sa kasamtangang grass-court season.
