2,000 ka family food packs gihatod sa Malapatan alang sa mga biktima sa linog

Miabot na sa Municipal Gym sa Malapatan, Sarangani ang 2,000 ka Family Food Packs (FFPs) isip dugang nga ayuda alang sa mga pamilyang naapektuhan sa magnitude 7.8 nga linog.

Sumala sa lokal nga mga otoridad, napadali ang paghatod sa mga relief goods pinaagi sa koordinasyon sa lokal nga panggamhanan, Philippine Coast Guard ug sa Maritime Law Enforcement Team.

Gilauman nga ang maong mga food packs ipang-apod-apod dayon ngadto sa mga pamilya nga labing naapektuhan sa linog aron makatabang sa ilang adlaw-adlaw nga panginahanglan.

Padayon usab ang pag-abot sa nagkalain-laing tabang ngadto sa mga komunidad nga naapektuhan samtang nagpadayon ang relief ug recovery operations sa lugar.