Padayon ang maayong kampanya sa Filipina tennis star nga si Alexandra Eala human niya gipildi si Zhang Shuai sa China pinaagi sa straight sets, 6-3, 6-2, sa Round of 32 sa WTA 500 HSBC Championships sa London.
Kini human sa iyang unang kadaugan sa Birmingham Open diin nakuha niya ang iyang unang grass-court title.
Sa ilang dula batok ni Zhang Shuai, nagsugod si Eala sa likod human nakakuha ang beteranong kontra og 2-0 nga labaw, apan dali siyang nibawi ug nakasunod-sunod og puntos aron makuha ang unang set, 6-3.
Sa ikaduhang set, hingpit niyang gikontrol ang dula ug wala na niya gitugotan nga makabalik ang iyang kontra hangtod nakuha niya ang 6-2 nga kadaugan.
Tungod niini, nakasulod si Eala sa Round of 16 diin iyang makaatbang si Iva Jovic sa United States, nga kahinumduman nga nakapildi kaniya sa French Open niadtong miaging bulan. Si Jovic usa sa seeded number 6 sa torneyo, busa gilauman nga lisod nga dula kini alang sa Filipina tennis star.
