Nagpadayon ang paspas nga response operations sa Regional Disaster Risk Reduction and Management Council XII human sa Magnitude 7.8 nga linog nga niigo kagahapong adlawa.
Mikabat na sa 562 ka aftershocks ang natala, samtang liboan ka pamilya ang naapektuhan ug dose-dosena na ang namatay ug samaron.
Dagkong kadaot ang naangkon sa mga dalan, taytayan, balay, ug serbisyo sama sa kuryente, tubig, ug komunikasyon.
Temporaryo usab nga gisuspinde ang operasyon sa General Santos International Airport.
Padayon ang rescue ug relief operations samtang gipahimangnoan ang publiko nga magpabilin alerto tungod sa aftershocks.
Gipasabot sa mga otoridad nga nagpadayon ang imbestigasyon ug assessment aron matino ang tinuod nga kahimtang sa kadaot ug panginahanglan sa mga apektadong lugar.
