Usa ka NBA fan ang gi-ban for life human kalit nga midagan sa hardcourt aron mag-selfie uban sa San Antonio Spurs star nga si Victor Wembanyama.
Nahitabo ang insidente sa ika-4 nga quarter sa Game 1, hinungdan sa partial stopping sa dula. Ang fan gidakop dayon ug gikuha gikan sa Frost Bank Center, ang home court sa Spurs.
Giimbestigahan sa liga ang mga aksyon sa fan ug karon gipahibalo nga ang fan dili na makatan-aw og live nga mga dula sa NBA sa bisan unsang NBA court.
Ubos sa lokal nga balaod sa Texas, USA, ang pagsulod sa usa ka restricted area sa usa ka stadium, sama sa basketball court, usa ka krimen.
Kini giisip nga usa ka criminal trespass ug usa ka misdemeanor, nga adunay sentensya nga hangtod sa 180 ka adlaw nga pagkabilanggo.
Wala pa nagpagawas ang San Antonio og opisyal nga pahayag bahin niini, apan kung atong balikan ang dula, gipildi sa Knicks ang Spurs sa ilang kaugalingong court, 105-95.
Ang Game 2 ipahigayon pag-usab sa Frost Bank Center ugma, Hunyo 6 (oras sa PH).
