Gipasabot ni Sen. Robin Padilla nga walay personal nga panagbangi tali kanila ni DILG Sec. Jonvic Remulla human sa viral nga insidente sa pagtinulakay sulod sa Senado nga nahimong hisgutanan sa social media.
Nagsugod ang isyu human mikatag ang mga video ug hulagway sa kagubot sulod sa Senado diin makita nga adunay pisikal nga pagtinulakay tali ni Padilla ug Remulla samtang gihimo ang imbestigasyon sa Cayetano bloc.
Sa usa ka interbyu, miingon si Padilla nga bahin lamang sa crowd control ang nahitabo ug wala’y angay hatagan og laing kahulugan ang insidente.
“Kaming dalawa, maximum tolerance naman kaming dalawa. Parehas lang kami na, may trabaho siya, may trabaho ako. Ang mainam doon, nakita naman ng tao na wala namang nagbuhat ng kamay,” matod ni Padilla.
Matod pa sa senador, dili malikayan ang pagtinulakay tungod sa kadaghan sa tawo sulod sa Senado.
“Nagkaroon ng tulakan, siyempre kasi maraming tao, nagkakagulo eh. Ang importante walang nagbuhat ng kamay,” dugang niya.
Gipasiugda usab ni Padilla nga maayo gihapon ang iyang relasyon kang Remulla ug wala siyay kasuko batok sa kalihim.
“Crowd control kami ni Secretary. Kaibigan ko naman ’yon, wala naman kaming personal na away,” matod niya.
Nahitabo ang insidente samtang sila Sen. Pia Cayetano ug ang mga indibidwal nga nagpailang mga kanhing sundalo nga mitambong sa hearing sa Senate Blue Ribbon Committee.
Samtang, gipatin-aw usab ni Remulla ang iyang bahin sa isyu ug mipasabot nga wala siyay gibabagan nga bisan kinsa.
“I was alone about to go home. No police blocking force was with me,”pahayag ni Remulla.
Matod pa sa kalihim, mogawas na unta siya sa Senado sa dihang kalit nga midagsa ang media ug ubang personalidad sa lugar.
“I was walking out when a herd of people started pushing me through the narrow hall,” dugang niya.
