Gipahibalo sa abogado nga si Atty. Levi Baligod, nga nagrepresentar sa 18 ka nagpailang kanhi miyembro sa Philippine Marines, nga magsumite sila og bag-ong affidavit ngadto sa Senate Blue Ribbon Committee nga mas kompleto ug mas detalyado.
Mitambong si Baligod sa hearing sa Senate Blue Ribbon Committee nga gipangulohan sa Cayetano bloc kalabot sa giingong anomalya sa mga flood control projects.
Matod ni Baligod, adunay pipila ka kanhing sundalo nga gipapirma matod pa sa National Bureau of Investigation sa ilang mga affidavit bisan wala pa niya marepaso ang mga dokumento.
“Gagawa kami ng individual affidavit na mas kumpleto,” matod ni Baligod sa media.
Samtang, nagpahayag usab og reaksyon si Sen. Imee Marcos ug nanawagan kini og pag-amping ug padayon nga pagpasabot sa mga alegasyong migawas.
“Lumutang nga. Pero sana manatili silang safe… sana tuluy-tuloy lang. Ipaliwanag natin ang mga nangyayari,” matod niya samtang nagpahimangno nga “ang cover-up ay mas malala kaysa sa krimen.”
Sa laing pahayag, gipasabot usab ni Loren Legarda ang importansya sa pagpadayon sa trabaho bisan pa sa tensyon sulod sa Senado.
“Kinahanglan magtrabaho,”mubo niyang tubag sa pangutana kabahin sa pagpadayon sa mga hearing taliwala sa sigalot sa liderato.
Padayon nga gilauman ang dugang nga pagsumite sa mga dokumento ug posibleng pag-usab sa unang mga salaysay samtang nagpadayon ang imbestigasyon sa Cayetano ug Gatchalian bloc bahin sa flood control scandal.
