Nakasulod sa quarterfinals ang Filipino tennis star nga si Alex Eala human niya gipildi si Alina Charaeva sa Russia, 6-2, 7-5, sa Birmingham Open.
Dali nga nakontrolar ni Eala ang unang set gamit ang maayong serve ug sayo nga break aron makuha dayon ang 6-2 nga kadaugan sa opener.
Sa ikaduhang set, mas nagkaduol ang duwa human nakakita og tsansa si Charaeva ug nakauna og 5-2 batok ni Alex. Apan, wala mohunong si Eala ug nagpakita og maayong kalma aron makabalik sa dula.
Hinay-hinay niyang gitangtang ang labaw sa iyang kontra hangtod nga nakadaog siya og sunod-sunod nga puntos ug natabla ang duwa, sa wala pa niya gitapos ang set sa 7-5.
Tungod sa kadaugan, naa na karon sa quarterfinals si Eala diin iyang atubangon si Mananchaya Sawangkaew sa Thailand.
