Gipasabot ni Atty. Rogelio Garcia ang PDP-Laban Regional President nga ang “Answer Ad Cautelam with Motion to Dismiss” nga gisang-at sa kampo ni Bise Presidente Sara Duterte nagpasabot nga ang mga reklamo nga gisang-at batok sa bise presidente dili igo ug ang mga ebidensya nga gisumite sa mga nagreklamo sa Kongreso dili igo.
Sumala ni Garcia, ang katuyoan sa mosyon mao ang pagkuwestiyon sa legal nga basehan sa mga alegasyon ug pagpakita nga adunay kakulangan sa mga dokumento ug ebidensya nga gipresentar batok kang Duterte.
Dugang niya nga kini kabahin sa mga legal nga lakang nga gihimo sa kampo sa bise presidente aron depensahan ang ilang bahin samtang nagpadayon ang kaso bahin sa mga reklamo nga gisang-at sa Kongreso.
Sumala ni Garcia, ang House of Representatives of the Philippines mismo ang giingong nangita ug nagtigom og mga ebidensya nga may kalabotan sa kaso, nga iyang giingon nga wala nahiuyon sa hustong proseso sa balaod.
