Malipayong gipahibalo sa TV host nga si Robi Domingo ug sa iyang asawa nga si Maiqui Pineda ang pagkatao sa ilang unang anak.
Sa usa ka Instagram video, gipaambit sa magtiayon ang mga gutlo gikan sa ospital diin makita sila nga nagkugos sa ilang bag-ong natawo nga baby.
Sa clip, madungog si Domingo nga nangumusta sa ilang anak nga lalaki nga, “Hi guys, welcome to the outside world,” samtang gipatugtog ang “Pinoy Big Brother” theme song nga “Pinoy Ako”.
Sa caption sa post, gi-tease pa gani sa host ang iyang dugay nang koneksyon sa reality show: “Our newest housemate.”
Dali nga midagsa ang mga pahalipay gikan sa mga higala ug kaubang mga celebrity, lakip na sila si Gary Valenciano, Darren Espanto, Maja Salvador, Kim Chiu, Luis Manzano, Alexa Ilacad, Bianca Gonzalez, ug Gabbi Garcia.
Sa miaging mga bulan, gipaambit sa magtiayon ang mga bahin sa pagmabdos ni Pineda, lakip ang mga importanteng milestone samtang nagpaabot sa ilang unang anak.
Nagsugod og date sila si Domingo ug Pineda niadtong Agosto 2018 ug nagpakasal niadtong Enero 6, 2024 sa Diocesan Shrine ug Parish of San Isidro Labrador sa Pulilan, Bulacan, human sa kapin lima ka tuig nga panag-uyab.
Bisan matod pang pareho silang nagtuon sa Ateneo de Manila University, wala sila mag-uban sa samang grupo atol sa kolehiyo ug nagkasuod lang sila sa paglabay sa panahon tungod sa ilang koneksyon sa industriya sa telebisyon.
