Napakyas nga makasulod sa Top 3 finalists ang Filipina beauty queen nga si Gazini Ganados, apan mapasigarbohon niyang nakab-ot ang Top 5 sa unang edisyon sa Miss Grand International All Star 2026 nga gipahigayon sa Bangkok, Thailand.
Si Gazini ang opisyal nga nirepresentar sa Pilipinas ug nahimong kataposang Pinay nga nagpabiling nagbarog sa kompetisyon, human unang natangtang ang uban pang mga representante sa nasod nga sila si Fuschia Anne Ravena nga nakasulod sa Top 18, Keylyn Trajano, Imelda Schweighart, ug Alexia Núñez.
Tungod sa iyang talagsaong performance ug gipakitang kaalam sa entablado, nagpabilin ang hugot nga suporta sa mga fans kang Gazini bisan wala siya makasulod sa final Top 3.
Samtang, opisyal nga gikoronahan si Vanessa Pulgarin sa Colombia isip unang mananaog sa maong pageant, uban nila si Faith Maria Porter sa Ghana isip 1st runner-up ug Huong Giang Nguyen sa Vietnam isip 2nd runner-up.
