Padayon ang search-and-rescue operations sa tibuok gabii sa mga awtoridad alang sa gibanabanang 20 ka tawo nga giingong na-trap ilalom sa nahugno nga building sa Angeles City niadtong Domingo sa kadlawon.
Sumala ni Angeles City public information officer Jay Pelayo, dili mohunong ang rescue operations samtang adunay nadawat nga timailhan sa posibleng adunay buhi pa sa ilalom sa mga tinumpag.
Giingon niya nga mas gipakusgan pa sa mga rescuer ang ilang operasyon human makadetect og signs of life gikan sa pipila ka na-trap sa debris. Gidugang usab niya nga nagtabang na ang ubang local government units sa rescue efforts ug nag-deploy og dagkong floodlights aron masuportahan ang operasyon sa gabii.
Sumala sa mga awtoridad, kadaghanan sa mga missing mao ang mga construction worker, samtang kapin 20 na ang na-rescue gikan sa insidente.
Sa karon, usa pa lamang ang kumpirmadong namatay nga giingong usa ka Malaysian tourist nga nagpuyo sa usa ka apartelle duol sa nahugno nga building.
Gipatin-aw usab ni Pelayo nga 20 lamang ang kasamtangang missing ug dili 23 sama sa unang report, kay ang uban giingong wala matod pa sa lugar panahon sa insidente.
