Gianunsyo na sa BTS ang petsa ug presyo sa tickets alang sa ilang konsiyerto sa nasud.
Sumala sa organizer, pagahimoon kini sa Philippine Sports Stadium sa Marso 13 ug 14, 2027.
Mogamit sila og 360-degree nga stage sa tunga sa venue sa Bulacan nga adunay extended nga upat ka diagonal catwalks sa matag suok sa stadium.
Ang pinakamahal nga ticket mokantidad og P25,000 samtang ang pinakabarato mokantidad og P7,500.
Nagpatuman usab og hugot nga polisiya ang organizers sa pagbaligya sa tickets diin duha lamang ka tickets ang mahimong mapalit sa matag account ug adunay maximum nga unom ka tickets matag show.
Gilangkuban ang grupo nila RM, Jin, J-Hope, V, Suga ug Jungkook, ug karon anaa sila sa ilang world tour alang sa promosyon sa ilang album nga Arirang.
