Mitaliwan na si Kyle Busch, two-time NASCAR Cup Series champion, sa edad nga 41.
Gikumpirma kini sa iyang pamilya ug sa iyang kauban nga Richard Childress Racing, human siya matudlong adunay sakit.
Pipila ka adlaw sa wala pa ang iyang pagtaliwan, nagpost pa sa social media ang pamilya ni Busch ug miingon nga gidala siya sa ospital tungod sa grabeng sakit.
Wala na usab gihisgoti sa pamilya kung unsang sakit ang giatubang sa American car racer.
Nakatakda pa unta siyang moapil sa Coca-Cola 600 sa Charlotte Motor Speedway karong Domingo.
Ang lumad sa Las Vegas anaa sa tunga-tunga sa iyang ika-22 nga season sa NASCAR top division diin nakarekord siya og 63 ka kadaugan sa kapin 762 ka race starts.
Ikasiyam usab siya sa all-time wins list ug nakadaog og duha ka Cup Series championship niadtong 2015 ug 2019 samtang miyembro pa siya sa Joe Gibbs Racing.
Niadtong 2005 nagsugod si Busch sa pagsalmot sa Cup Series isip miyembro sa Hendrick Motorsports ug midaog isip Rookie of the Year.
