Giklaro ni Sen. Erwin Tulfo nga wala pa siya nakadawat og tawag mahitungod sa posible nga bag-ong pag-ilis sa liderato sa Senado.
Ang maong isyu unang mikatap human sa giingon ni Senate President Allan Peter Cayetano nga busy ang Senate minority sa pakig-estorya sa ubang mga senador aron kumbinsihon sila nga mobalhin og panig.
Sumala kang Tulfo, sa karon wala gayud siya gitawag o nakontak.
Bisan pa niana, giingon niya nga dili kini imposibleng mahitabo.
Gipunto sa senador nga “nipis kaayo” ang kasamtangang majority, busa nagpabilin ang posibilidad nga adunay mga kausaban.
Dugang pa niya, gamay ra ang diperensya sa resulta sa botohan nga 13-9-2.
Kon tan-awon, ang duha ka nag-abstain mahimo usab nga isipon nga “no vote,” busa mahimong 13-11 ang kasamtangang balanse.
Sa karon, wala pa naghatag og reaksyon si Sen. Tito Sotto, nga mao ang lider sa minorya, bahin sa nataho nga Senate coup.
