Nasobraan matod pa ang nahimong mga aksiyon sa National Bureau of Investigation kagahapon sa sulay nilang pagserve sa arrest warrant gikan sa International Criminal Court batok kay Sen. Bato dela Rosa, kana ang nahimong pahayag ni Atty. Rey Cartojano usa sa mga abogado ning syudad.
Sumala ni Atty. Cartojano nga ang basehan sa NBI, ang aduna silay ginagunitan nga warrant ug gibuhat niini ang proseso.
Apan ang maong proseso ang nasobraan matod pa tungod iyang gipaklaro nga ang senado usa ka separate institution ug ang ilang target usa ka senador diin pwede ra kining dakpon pag gawas na sa senate premises.
Dugang pa ni Atty. Cartojano nga ang tumong ni Sen. Bato ang mo tambong sa hearing sa senado.
Samtang gilatid usab sa abogado nga adunay balaod nga mag dili sa usa ka legislator o senador nga mo attend sa proceeding ug mao kini ang rason sa NBI nga ilang dakpon si Bato dela Rosa tungod posibleng nakabalo na sila nga adunay kabag-ohan sa legislative nga makonsiderang usa gihapon ka political process.
