Gitanggal ug gikuhaan og armas sa Philippine National Police ang usa ka pulis human kini nag-viral sa social media tungod sa giingong pagpangulata sa iyang asawa sulod sa ilang panimalay sa Malolos City.
Gikumpirma ni Malolos City Chief of Police PLt.Col. Rommel Geneblazo nga dili gyud nila tugotan ang maong klase sa binuhatan sa ilang han-ay, busa dinaliang gihimo ang administrative action batok sa pulis nga si Del Alimeri, nga nailhan usab isip pulis-vlogger.
Sumala sa mga report, nagsugod ang tensyon sa dihang gikompronta sa babaye ang pulis mahitungod sa giingong pagpangabit niini, apan misangko kini sa init nga panaglalis hangtod nahimo nga pisikal nga insidente.
Bisan pa og makita sa CCTV nga ang babaye una nga mi-atake, gipadayon gihapon sa kapulisan ang imbestigasyon ug aksyon batok sa pulis aron matino ang tinuod nga panghitabo.
Sa pagkakaron, naka-lock na ang social media accounts sa maong pulis samtang nagpadayon ang imbestigasyon ug nagkainit ang reaksyon sa publiko kalabot sa insidente nga nag-viral online.
