Nag-isyu ang International Criminal Court (ICC) og warrant of arrest batok kang Senador Ronald “Bato” Dela Rosa.
Gikataho nga nadawat na sa International Police Organization (Interpol) ang warrant of arrest ug ang ilang mga representante ania na sa Pilipinas.
Si Dela Rosa usa sa mga ginganlan nga kauban ni Duterte sa iyang kaso sa mga krimen batok sa katawhan nga may kalabotan sa kontrobersyal nga war on drugs.
Kahinumduman nga kaniadtong Nobyembre 2025, unang migawas ang impormasyon nga adunay warrant of arrest batok kang Dela Rosa, mao nga wala siya mitambong sa tanang sesyon sa Senado.
Samtang sa pahayag ni Interior Secretary Jonvic Remulla “Wala pa sa ako ang impormasyon” kabahin sa gitaho nga warrant sa International Criminal Court nga gi-isyu batok kang Sen. Bato dela Rosa.
Matod ni Remulla nga hangtod dili niya makita ang opisyal nga kopya magpailing hungihong lang kini.
Sa usa ka mensahe si Remulla miingon nga nag-andam na sila og task force para sa dragnet operations sa higayon nga ma-isyu na ang warrant of arrest.
Sa pinakabag-o usab nga update, ang DILG nag-andam og 10,000 ka task force para sa dragnet operations kung ma-isyu na ang warrant of arrest para kang Senador Bato.
