Hugot nga gipunting ni kanhing Senador Richard J. Gordon nga ang proseso sa impeachment usa ka importante nga hugna alang sa nasod, ug iyang gipasidan-an ang padayon nga kakulangan sa Pilipinas sa husto nga pagpatuman sa balaod.
Matod niya, “Ang problema natin palagi ay ang ating failure. Ang gross failure to enforce the law,” diin iyang gipasabot nga lisod makab-ot ang hustisya kon dili patas ang aplikasyon sa mga balaod.
Giingon niya nga dili lang kini simpleng kaso kondili pagsulay kini sa kinaiya sa nasod kon makahimo ba gyud kita sa pagpatuman sa balaod ug pagpanubag sa angay manubag.
Nagpasidaan siya nga kon dili molihok nga maisugon ang mga institusyon, mas maguba ang pagsalig sa publiko sa hustisya.
Dugang pa niya, kung mapasagdan lang ang dili pagpatuman sa balaod, mawala ang dignidad sa nasod ug sa mga katungdanan sa gobyerno sa paghatag og hustisya sa katawhan.
Giingon usab niya nga kung ang politikanhong interes mopatigbabaw kaysa hustisya, madaot ang integridad sa mga institusyon sa gobyerno.
