Nagsalig gihapon ang White House sa United States Secret Service aron mapanalipdan si U.S. President Donald Trump human sa insidente sa pagpamusil sa usa ka hotel sa Washington, D.C. niadtong Sabado (Domingo sa Pilipinas).
Sumala sa usa ka opisyal sa White House, nagtuo ang Presidente nga maayo ang tubag sa mga ahente sa Secret Service human nila gipahunong ang suspek.
Sa samang higayon, usa ka hingpit nga pagrepaso sa mga protocol sa seguridad ang pagahimuon usab aron malikayan ang susamang mga insidente sa umaabot.
Ang insidente gikataho nga nahitabo duol sa usa ka security checkpoint sa lobby sa hotel, diin adunay gipahigayon nga kalihokan kalabot sa White House Correspondents’ Dinner.
Sumala sa mga awtoridad, ang suspek nailhan nga si Cole Tomas Allen, 31, taga California, kinsa gidakop human giingong nagpabuto og pusil sa lugar.
Gikatakda siyang moatubang sa korte sa daghang mga kaso.
Si Allen giila nga usa ka nagpaila sa iyang kaugalingon nga “game developer and teacher” apan ang mga imbestigador nag-imbestiga pa sa iyang motibo ug uban pang mga detalye.
Samtang, si Federal Bureau of Investigation (FBI) Director Kash Patel miingon nga ang FBI andam nga motabang sa posibleng pagpadayon sa White House Correspondents’ Dinner sulod sa sunod nga 30 ka adlaw, bisan wala pa’y pinal nga pahibalo nga gihimo.
