GENSAN – Gibutyag ni Kapitana Nicanora Vargas sa Barangay Bula nga bisan wala pa ang opisyal nga mando sa Department of the Interior and Local Government o DILG sa Enhanced Curfew Hours, una nang gipatuman sa Barangay Bula ang curfew alang sa mga menor de edad.
Sugod alas 10 sa gabii, ginasita na ang mga 18 anyos paubos nga makita pa sa gawas, lakip ang mga residente ug mga dayo. Apil usab sa ginabantayan ang mga batan-ong magtapok o magpundo sa kalsada sa kagabhion.
Gipahinumdom usab sa kapitana ang pagbadlong sa mga nagpahigayon og videoke sa gabii aron malikayan ang disturbo sa komunidad.
Sa pagpatuman niini, nagtinabangay ang mga barangay tanod ug Bula Police Station pinaagi sa padayon nga ‘roving’ kon pagpatrolya aron masiguro ang kahapsay ug pagsunod sa mga ordinansa.
