GENSAN- Gipasalig sa Philippine National Police Maritime Group sa General Santos City nga hugot nilang gibantayan ang mga pantalan, ilabina sa Makar Wharf, atol sa Semana Santa.
Sumala ni Police Captain Roger Del Rosario, hepe sa Maritime Police Station Gensan, igo ang ilang gipakatap nga pwersa aron masiguro ang police visibility ug dali nga pagresponde sa insidente.
Misaka ang gidaghanon sa mga pasahero, labi na sa biyahe paingon sa Balut Island, apan nagpabilin nga hapsay ang sitwasyon tungod sa maayong koordinasyon sa mga ahensya sa gobyerno.
Gidili ang pagdala og armas sama sa pusil ug kutsilyo, ug wala pay nakumpiska nga ilegal nga kagamitan sa karon.
Giklaro usab nga ang inspeksyon sa mga barko ginabuhat uban sa Philippine Coast Guard, samtang andam ang Maritime sa pagresponde pinaagi sa ilang high-speed boats.
