Gi-atake sa Iran ang usa ka Kuwaiti oil tanker nga nagdala og krudo samtang naglawig sa katubigan duol sa Dubai, pinasikad sa drone strike nga miigo sa barko.
Sumala sa mga awtoridad sa siyudad niadtong Marso 31, wala’y natala nga nasamdan ug walay oil spill bisan pa sa maong insidente.
Sa wala pa ang pag-atake, nagpasidaan na ang Kuwait Petroleum Corporation sa posible nga oil spill human targeton ang tanker nga “Al-Salmi.”
Giingon sa United Kingdom Maritime Trade Operations nga nahitabo ang pag-atake sa mga 31 nautical miles sa amihanang kasadpan sa Dubai.
Nakasugod og sunog ang drone strike apan kini napalong dayon sa mga awtoridad sa Dubai ug gideklarar nga kontrolado ang sitwasyon.
Ang maong insidente misunod sa bag-ong pasidaan ni US President Donald Trump nga targeton ang energy sources sa Iran kung dili ablihan pag-usab ang Strait of Hormuz.
