Gipasalig sa Malacañang nga adunay pundo kung ang Department of Migrant Workers (DMW) magkinahanglan og supplemental budget para sa pagpapauli sa mga overseas Filipino workers (OFWs) nga naapektuhan sa krisis ug tensyon sa Middle East.
Sumala ni Palace Press Officer Atty. Claire Castro, si Presidente Ferdinand Marcos Jr. ug ang gobyerno andam na nga mopagawas og pundo para sa pagbakwit sa mga OFW gikan sa Middle East.
Gikonsiderar sa Presidente ang kaluwasan sa mga OFW ug buhaton ang tanan para kanila.
Dili masulti ni Castro kung pila ang gikinahanglan nga supplemental budget apan gipasalig niya nga dili kini ihikaw para sa kaayohan ug kaluwasan sa mga OFW.
Matod niya nga ang Presidente naglaum nga ang sitwasyon tali sa Iran, Israel ug Amerika dili mograbe aron ang mga gang sa Middle East diin daghang mga Pilipino ang nagtrabaho dili maapil.
