-- ADVERTISEMENT --
Nakauli na sa Pilipinas ang 65 pa nga overseas Filipino worker (OFW), kauban ang tulo ka bata, nga na-stranded sa Dubai tungod sa tensyon sa Middle East, matud sa Department of Migrant Workers (DMW).
Niabot sila sa Ninoy Aquino International Airport (NAIA) Terminal 3 sakay sa Emirates flight EK 334 karong Dominggo sa buntag
Gihimamat sila sa mga personahe gikan sa Department of Migrant Workers, Overseas Workers Welfare Administration (OWWA), Department of Social Welfare and Development (DSWD), MIA Medical Team, ug Bureau of Quarantine.
Ang mga OFW gihatagan usab dayon og tabang pinansyal, tabang sa transportasyon pauli sa ilang tagsatagsa ka probinsya, temporaryong puy-anan, ug psychosocial ug medical nga tabang.
