GENSAN – Gipahinumdom sa Bureau of Fire Protection ang publiko sa kamahinungdanon sa pagpahigayon og earthquake ug fire drills aron maandam sa bisan unsang emerhensya.
Sumala ni FO3/SF01 Lester John Muñez, Public Information Officer sa BFP Gensan, ang maong drills nagtinguha sa pagbansay sa “muscle memory” sa lawas aron malikayan ang panic ug mahibalo dayon ang angay buhaton kon adunay linog o sunog.
Giingon ni Muñez nga dako kaayo ang tendency sa tawo nga mag-panic sa panahon sa linog, ug pinaagi sa regular nga drills, matudluan ang husto nga paagi sa pag-atubang sa emerhensya aron mapugngan ang kasamok ug makaminusan ang posibleng casualties, samtang gipasiugda usab ang paggamit sa SAFETY acronym isip giya sa publiko.
Iyang gi-awhag ang tanan nga aktibong moapil sa mga drill ug dad-on kini nga kahanas sa ilang adlaw-adlaw nga kinabuhi aron masiguro ang kaluwasan sa matag usa.
